Леброн Џејмс по автоматизам се цимнува на расни прашања па во еден инцидент во кој бел полицаец пукаше во црна девојка, веднаш твитна дека е уморен полицајци да му ги убиваат браќата и сестрите. Полицијата извади снимка од body-cam, се виде дека не е тоа така банална ситуација (девојката со нож сакала да убие друга црна девојка) па Леброн го избриша твитот. Кенди Овенс е тука да му покаже колку е глуп, ако треба, на забавена снимка.  

Ова на многумина баш и нема да им звучи убаво, ама па и животот не е саде богоугоден(види вести). Грчките богови полесно би минале во муабет со Фрај, просто затоа што и покрај сите каприци, тие барем никогаш не се преправале дека се хумани. „А дечкото е манијак,“ ќе рече Фрај кој, по важечките услови, не би ни сакал да оди во рајот.

Добро бе, па на никој ли не му дојде да паркира малку на тоа црвеното, со четири жмигавци да почека некого, „одма ќе дојде“?  Или набрзинка да скрати преку црвеното? Како воопшто живеете такви? Можеше да побараме каде е ова, ама повеќе сакаме да веруваме дека е некоја измислена земја со измислени луѓе.

Жена снимила како нејзиниот вујко го вакцинираат на жими мајка. Сестрата го боцка човекот ама не му вбризгува ништо. Нејасно е зошто воопшто би го правела тоа (ја чува вакцината за свои луѓе?) ама службите ја признале грешката. Веста е од Мексико. Значи, не може наш човек да отиде некаде а да не ги научи домаќините на некоја вештина.

Репортажа од Каракалпакстан (три пати треба да прочиташ за да видиш дали добро си напишал), автономна област во северозападен Узбкистан (имаат право на вето). Нè мавна флешбек, изгледа провинциски и запуштено баш како ние (Скопје, Македонија) во 90-тите години. Не дека ние сме пркнале а тие не, туку што ни сега сме провинциски запуштени и на многу потрагични начини. 

Србија дочека момент да ја има на CNN а тоа да не биде за бомбардирање или некоја друга беља. 10 минутен прилог за државата која стана регионален хаб за вакцинирање. Значи, можело и така.

Знаете како изгледа лист хартија од А4 формат. И дека тој лист има два А5 листа а тие имаат по два А6 листа. И обратно: два А4 се еден А3, двојно поголем е А2 па доаѓа А1 па А0. Е сега, одиме кон универзумот.

Језиво кога ќе помислиш дека за некои деца (и тоа во цивилизирани земји) и ова е брутална реалност. Сцена од минувачка која случајно спасува англиска ученичка која бива одведена од школо за орално да го задоволела монструмот. Ретко објавуваме вакви вознемирувачки содржини ама заради памет во глава; да не заборавиме во каков свет живееме. 

Во Советскиот сојуз имало кривично дело паразитизам за кое се одговарало заради неправење ништо корисно ни за себе ни за другите. „За такви нема место во нашата заедница!“,ќе порача државниот спикер. Вака изгледало судење на еден таков лик кој денеска би бил легитимен твитерџија, инфлуенсер или регуларен кмишач на социјални мрежи.

„Ринг дингер“ е техника користена од масери / местачи и значи декомпресија на 'рбетен столб, односно нагло душманско потегнување, главно за врат, за уште понагло „декомпресирање“. Овој што ќе зборува и рецензира видеа на темата е ортопед хирург др. Крис Рајнор.

Кај него ќе прегладнете и ако отидете најадан и ако отидете носејќи маренда со себе. Алвин Жоу се занимава со бавна храна, ама не бавна како што мислите, туку бавна - бавна.  

Како што ја разбравме приказната, се работи за израелски патнички авион чиј екипаж наредил родители на едногодишно беебе да го напуштат леталото бидејќи одбивале на своето едногодишно бебе да му стават маска. Така ли? Е па тогаш, сите си одиме.

Првпат слушаме и ја гледаме оваа финта, ама ако на Јапонци треба да им се верува за суши а на Турци за казандиби, за алкохол Русите се авторитетот.

Јасно ни е дека во Македонија да се зборува за финеси меѓу вакцините е исто како како да се расправа за мекоста на влакното кај Јети, ама ај, да информираме, чисто ларпурлартистички. Не пример, дека вакцина со ефикасност од 95% не значи дека 5 од 100 вакцинирани луѓе ќе се заразат.

Во земјата дупка, во дупката тиква, во тиквата јагнешко.

Убав, питом муабет меѓу двајца луѓе кои доаѓаат од навидум различни краеви на вселената. Владиката кој стана поглавар на СПЦ и Рамбо кој секогаш беше Амадеус.

Изгледа како апокалиптична сцена од некој филм со зомбија но се работи за авенијата Кенсингтон во Филаделфија, место каде што лутаат изгубени души, тешки зависници, заборавени луѓе со сериозни ментални проблеми... Политичката класа на градот не се занимава со ова. Тоа е просто, така. А пазете, Кенсингтон е тек трето маало по стапка на криминал. Значи имаат две полоши од ова.   

На некој на интернет пак му текна да проба пред камера да јаде од тоа одвратната смрдена шведска риба, и ако сè мине како што може да се очекува ова е на добар пат да стане најдобриот челенџ што ги зафатил младиве по социјалните мрежи. Како што треба да се сфати од насловот, видеото не е баш најлесно за гледање. Бонус поени за татково што инсистира децата да му станат интернет славни.

Најосвестувачкиот факт во видеово доаѓа кога ќе тргнеш да пресметаш колку време е минато од 1984-та, па ти излегува дека не е речиси 30, туку се речиси 40 години, па после сè целиот овој воодушевувачки наивен муабет околу мејлот некако бледее во споредба.

Зошто етичко? Затоа што не е на оние бродови-фабрики и нема стотици метри мрежи во кои ќе заглават ајкули, желки, делфини и што и да е друго што ќе им се најде по пат.

Па не многу, ама сепак тоа не е битка што јахтата сака да ја води, посебно не нејзиниот сопственик. Ова е суперјахтата Го од 90 милиони долари, а карши нејзе е пристаниште на Сент Мартин. Во официјалната верзија пренесена од медиумите, кривицата е на компјутерот што ја управува јахтата.

Чамат Палиапитија е поранешен вработен во сендвичарите на Бургер кинг, кој денес животот го минува како милијардер, и ова никако не треба да биде сфатено дека тоа е стандардната траса што го чека секој што некогаш работел/работи во сендвичара. Иако има пари за давање (нема да ви даде), Палиапитија има и некои лекции од својот живот кои радо сака да ги сподели.

„Тука“ денес е во паркот во Козле кај кулите во близина на некогашна Алумина. „Бугарската фашистичка полиција“ и денес е бугарската фашистичка полиција, а и ќе остане.

Андре Мак како експерт во ова границата на евтино вино ја става на макс. 15 долари, 760 денари, за шише, и тој успева да најде некои примероци што му се допаѓаат. За разлика од него, ние тука на граница од 3 долари за шише успеваме да најдеме примероци што ни се допаѓаат.