„Ваква силуета е многу тешко да се види на овие простои, а и пошироко“ ќе ѝ признае водителот на својата соговорничка, инаку сопственичката на наведената силуета. Рубриката им се вика „На кафе во Штип“, но агзотичниот водител ќе дополни: „Сега немаме кафе пошто ситуацијата е сосема друга. Имаме базен...“ Не се секирајте, нема да го сркаат базенот.

1 режисер, 5 актери, 30 лика. Ќе почне да се дава на Телма, од 16 октомври 2017. во 22ч. Не е „Вљубениот ерген“ па подоцна да се вклучиш. Ова е мрднеш - губиш.

Убедливо најхалуциногената ТВ ситуација во врска со времето (што е тоа? како тоа тече? кај сме ние во сето тоа?) е онаа кога легендата Бошко Трпески во емисија рече: „Знаев дека оваа емисија ќе предизвика големо внимание и слушам како во режија телефоните веќе ѕвонат но, за жал, нема да можеме да се јавиме бидејќи ова е снимена емисија“(?!?!). А сега имаме и ситуација за сребрен медал. 

Генијална автентична сцена од нашиот телевизиски етер. Кај Блажевски, се јавува гледачка и кажува што мисли. Веднаш потоа стигнува и поддршка од „истомисленичка“! Заебавајте се, ама вака звучат и некои „дебатни“ емисии кај нас.

Не само што се тоа два различни града, туку се и две различни години. А така исто, мајку му.