Не барајте појак муабет од овој. Овој е најјакиот. За брзината на Брзата помош и за нивниот недомаќински однос кон инекциите.

Не го заклучил пасторот тоа туку така, туку фино објаснува дека „слушав и истражував научници“. Без нестручно да навлегуваме во неговата методологија (во рака се топи, ама ај да го видиме на упаљач!), заклучокот е дека снегот е пластичен заради 5G.

Сентенцата може да се користи како пасворд за масони, како интимен поздрав меѓу другари, како алтернатива на Адамсовото „42“, како ритерн на сите глупоштини кои ќе ви бидат набацени:
- Читаше дека короната е од 5Г?
- Ве молам, Те молам, Данче, мајка ти!

Моторизирана екипа специјалци шпарта по велешките улици, короната затвора ќепенци, се крие по ќошиња и ја колне судбината што не се родила како ебола. Стани си утре порано, и онака нема кај да одиш вечер подоцна.

ЈПКД „Комуналец“ Гевгелија: „За време на полицискиот час, уништени се општински и приватни хортикултурни елементи, цвеќе и дрвја во строгиот центар на плоштадот во Гевгелија“.