Веќе немаме памет како треба со овој нивен пусти мерак за сликање по секој ебен повод. Во Битола ставиле маса за шах. Значи маса (комада, еден) на која ќе можело да се игра шах! Дец ит.

Гурбетџиска приказна за еден горд татко кој на синот за роденден му купува јака кола (нови гуми, нови фелни, сè ново). Класика, тоа одело во живо на Фејсбук. Освен до родините и пријателите, поздрав има и до „мајка Германија, која ги исполнува сите желби“. Долгично (20 мин), ама па, шармантничко.

Премиерот деновиве покажа извонредна емпатија па милно погали за муце еден од пластичните сауруси од новиот Дино парк во скопската Зоолошка (види „Апе ли Џек'то?“). Љубителите на природата веруваат дека поради веќе воспоставената комуникација (на рамноправна основа) само тој може да спаси едно кутро дрвце кое против своја волја се нашло на патот на лажната опашка на лажниот ѕвер.