И Македонија има врвни спин доктори, сè уште неискористени во партиски и медиумски цели. Седат на улица и си го вежбаат талентот на наивни новинари. Прашањето е од оние "аман више" прашања (Дали Македонија доволно го чествува Тоше?!) а одговорот на спин докторот слушнете го сами:

Некој што се вика Рубинчо Благадуша, или решил да се вика Рубинчо Благадуша е просто роден за големи дела. Нашиов од крајно непознати причини си додал и трето име Езел (вади тоа, Рубинчо!) и спотот кој ќе го видите е драма.

Лелееј!!! Кога тежината на секојдневието ќе навали на нашите рамења, најблескави бисери на уметноста можат сосема незабележано да минат пред нашите очи. За среќа, ова не е таков случај. Мирзино јато, мк верзија, мноогу добро! Се вика Роберт Сошански (цар!) и навистина ни беше чест да фаќаме стенограми на неговиот певлив хит со љубовна тематика и љубебошкоска жичка. Нај коментар: за ова е неприфатливо било какво извинување!