Дечко од актуелните протести во Белград, со очигледно богато искуство во вакви ситуации, покажува еден маневар со кој паднат човек може да избегне дополнително млатење од полицијата. Едноставно, треба да се оттркалаш од проблемот.

Ако сте ги пропуштиле српските избори (а немаше причина да ги следите, освен пар дражесни спотови кои ги објавивме) Зоран Кесиќ ги сумира во три минути. Одлично резиме.

Претстојните српски избори како да не се за парламент туку за најглуп политички спот. Сосема заслужено, досега на врвот беа спотовите на Александар Вуќиќ но за утакмицата да биде интересна до крај, со жестока доза баналност се пробива аутсајдерот Попов. Милош Попов.

Ненад Чанак и неговиот Војдодински фронт излегуваат во изборна кампања со слоганот „И во добро и во лошо, ние сме тука!“ Еве како ја визуелизирале пораката.

Ако не сте баш талибанци/пуританци па се згрозувате од самото тоа што го правеле (тројка правеле, у реду е), првата реакција ќе ви биде: Зошто побогу, ова го зборат на телевизија? Ама поинтересна е втората реакција: Зошто побогу, јас ова цело го изгледав?

Човек од овие простори, на кој многу му прекипело како мизерно се купуваат изборни гласови и како со смешни пакети брашно и зејтин се поткупуваат гласачите. Ок, таму барем им е јасно дека се работи за поткуп, овде уште нè убедуваат дека тоа е помагање на оние на кои најмногу им треба. 

Само во оваа постава некој може да каже дека го „свирам првиот глас“ а тоа да не е фејкњуз. Елем, друштванцето нашло начин како гласовите да ги искористи како инструменти. Што сè човек на овие простори нема да смисли само да не се фати за мотика или да седи со жена му.