Саша Џани Ќурчиќ е екс фудбалер на Партизан, Болтон и Астон Вила. 14 игри за репрезентацијата на Југославија. Желба да зборува - сто. Памет- нула. Чујте ја оваа негова халуциногена порака до "англоманијската Србија"

Не сме сигурни како мисли Србинката Јана да успее во силната меѓународната конкуренција на фитнес инструкторки. Ама да пробаме да побуткаме. По нас, Јана има две предности: 1. нуди вежби за едната рака па потоа и за другата рака (?)  2. продолжува да вежба дури и откако ќе заврши песна на Карлеуша.

Не дека и ние немаме тргнато во правец на општа естрадизација, ама, во интелектуална смисла, Србија секогаш ни бегала барем за едно деколте. Неколку фото примери од северниот интелектуален крем.

Класична реакција на балкански мажјак. Ќе се изнервира што не знае да ја поправи колата па ќе му биде крива жената и нејзиниот лаптоп. Мислиме дека се работи за едно блиско море кое името го добило по тоа што во него се фрлаат лаптопи. Црни.

Бизарното рокенрол и поп потекло на некои десетина турбо-фолк хитови. Кеба и Џеј од старт ќе ги фатите како касапеле, Цеца сте ја излижале од слушање не ви текнала.

Како и да стоиш со англискиот, кога спроти себе имаш еден напнат и упорно глуп грчки нивинар со задача да вергла Фиром - Македонија, предодреден си за чиста и убедлива победа. Црно и бело е сè, особено кога Гркот ќе те потсети на своето црнило. Well done!

Иха, ова тотално ќе ја збуни целата онаа пациентела која мисли дека сме србомани. Директно од нашата централа Белград, преку веб изданието на тиражниот тоалетоид Курир стигнува проценка дека off.net.mk е - бугарски сајт.  

Смислија Питагорина теорема, Евклидова геометрија, демократија и узо. 20-тина века подоцна, спаднаа на ова. Не дека не беше очекувано грчката мрза да изроди баш ваков изум на кој ќе му дадеме бреговиќевски работен наслов: Кревет за венчавки и погреби. Е, не, ќе се преместува наваму - натаму.... а можеби е политички мотивирана направа: слушаш на вести колку му должиш на светот и се спремаш.

Не ни е најјасно што е разликата меѓу развод и поништување на брак, но, еве како тоа во Србија се аргументира, од перспектива на жена која е обвинета дека само се лицка и мицка, чиј маж премногу игра шах а нејзе ѝ се раѓа. Поништајчиќ и тачка!