Антички стара но безвремено генијална црногорска реклама против дрогите. Имале прикладен и коректен слоган: "Не дозволете животот да ве вцица". Како тој слоган го пренеле во приказна? Директ, да пододирект не може. Тоа е тоа!

Најдобриот машки и женски вокал во Црна Гора. Меѓу неговата желба за пеење и способноста да го прави тоа, зјае кањонот Морача. На темата од Џибони, креативно преуредена, и во музичка и во текстуална смисла. Никчшиќкото чудо, Слобо Пјешчиќ. 

Најбитно е одлучно и гласно да викате: Хо, Хо, Хо, Хо... при што силно ќе удирате со раце во перница, сè додека не се воспостави енергетска врска меѓу интуицијата и црниот дроб. Што бе не ви е јасно?

Целиот оној свет на сајбер криминал, компјутерски вируси и слични зла е тешко да му се објасни на просечен корисник на компјутер. Но, затоа Балканот има ликови кои знаат тоа да го преведат на јазик кој секој го разбира. Го гледа Милан Тарот и доживува епифанија: Аааааа, тоа било.... Потоа зема аспирин и го отвора фајлот.

Кога Невена Цонева ја видовме првпат, помисливме "да е Витни Хјустон мртва, ќе се превртуваше во гроб." Витни сега веќе две години е мртва, па време е да се размрда.

Не е тешко Балканецот да ја напушти хармониката, тешко е хармониката да го напушти Балканецот. Пазете вие кој цар е ова, ја свири гитарата како Гуерини!

"Ко би реко чуда да се десе, па Миљацка мостове однесе," се познатите стихови од песната Миљацка која ја изведува Халид Бешлиќ а кои би можеле да го чинат приведување во полиција.

Може и вие некому сте му рекле: "Што знам едни кретени, не си видел такви идиоти." Ама, ако не мислите на овие прекрасни идиоти, тогаш ништо не ви значи муабетот.

Мантрата против Калина (назад, назад) адаптирана за изборите во Црна Гора. Чисто предизборно и за јачање на нацијата, во спотот има и Црногорец што физички работи.

Без да навлегуваме во тоа како укинувањето на пушење цигари во кафани, ги наполни кафаните со дечурлана животно неподготвена за оваа установа, еве сликовито како да разликуваш кафана од позерај. Плус неколку хинтови: не е кафана ако постојано фрчат блицови, ако мора да се резервира, ако ракијата е лоша и скапа, ако има девојки во миничи, ако има Фејсбук страна и најважно - не е кафана ако газдата не е најјак.