Почина актерот Лане Гутовиќ, очекувано надживеан од митскиот Шојиќ, којшто не само што е добро туку и се множи, а државата е неспособна да го заузда. Тој и таков Шојиќ требаше да остане во своето село и да чува овци (а и од таму да го избркаат), не па да дојде во предузеќе, камоли во парламент. Но не се залажувајте, вели Гутовиќ, не напредува Шојиќ, туку ние пропаѓаме.

Доаѓа време на избори, време е да се потсетите каков пазар ќе се нуди. Наша препорака е пак тој датумот да си го купите. Малку ли ви траеше последниот пат?

Ги фаќа живи како фрлаат огромни кеси во река па со закана дека ќе викне полиција, ги тера да се вратат и да си го соберат ѓубрето. А возрасни луѓе, и тоа дојдени од Германија. „Западната“ се вади дека не знаеле дали смеат да фрлаат во контејнер. За во Германија, знае. Ви викаме, дечко на денот.

Мајка и синче, заедно на плажа. Со нежно детско гласче, малиот ја прашува мајка си: Мамо, ти се допаѓа ли овој камен? Опа, идемо!!

Александар Вучиќ и српскиот министер за здравство биле најавени дека ќе поминат за да видат до каде е изградбата на новиот Клинички центар. Во пресрет на посетата, координатор за аплаузи им отвора очи на работниците какви тоа државници имаат чест да ги посетат, а потоа малку ги вежба аплауз и скандирање. Кај нас нема шанси за нешто вакво. Ниту има абер од клинички центар, ниту некој овде воопшто би знаел да се увежба за нешто.