Дечкото смислил ненадјебива одбрана од оние кои ничим изазвани ти се јавуваат по телефон, на пример, за да ти увалат нешто за купување. Штом досадата (официјално: агентот за продажба) зуцне и почне да ти дрнда за нивната понуда, ти почнуваш со песна! Функционира како подмачкано, репетирајте своја плејлиста. 

Муабетот е дека Албанија е земја со најмногу Мерцедеси по глава на жител. Дојче Веле праќа свој човек за да види што е работата. Добра репортажа.

Преработка на легендарната сцена кога Морфеус му отвора чакри на младиот Нео и му ја покажува стварната реалност на овој свет, наспроти илузиите во кои (мисли дека) живее. А на Нео му се има паднато да живее во делот на Матриксот наречен Бугарија.

Нежната „Јутрос ми је ружа процветала“ која пред 60 години ја испеа Милица Поповиќ е една од најпреработуваните српски песни (Мерима Његомир, Лепа Лукиќ, Лепа Брена...). Сакаме да ја слушнете како што прилега, со многу шишиња на астал. Само што, не се работи за српска кафана, туку за Холанѓаните Ештон брадерс. Ма хе ри. 

Дуци е урнебесен затоа што перфектно ги гаѓа стереотипните особености на ликовите кои ги гради (јазикот, темите, реакциите, нивниот поглед на свет, стандардните узречици...). Ова пак, е урнебесно од сосема обратна причина. Затоа што е погрешен ликот, тоест во телото на кралицата е ембедиран духот на балканска жена.

Бугарска телевизиска екипа начекува стар чичко кој случајно ја „издрпнал колата“, додека ја вадел „за да не оди никаде“, имал 1,8 промили алкохол “од една чаша вино“ и не е точно дека се зачукал во шест коли.  Важно е на проблемите да се гледа со насмевка.

При крајот на војната во Босна, Лајбах одржаа два концерта во Сараево, во објектот на Националниот театар, една од ретките згради во градот која не беше унаказена. Го прогласија Сараево за територија на Neue Slowenische Kunst, делеа пасоши и патем на домаќините им кажаа неколку збора за Европа.

Уште еднаш се потврдува старото правило дека најдобро се учи преку песна и игра. Во соседна Србија тоа значи - преку народњак. Добро што нема ваква песна за падежите во македонскиот јазик, ќе испаднеше песната (речиси) инструментална.

Од „Суверениот светски таен систем на Никола Тесла“(?) ни доаѓа човек кој во јавниот свет можеби е и претприемач и спортист и има три деца... но тоа не е ништо во споредба со тоа што сè е во тајниот свет. Никола Тесла химселф немал патенти колку што овој има титули. Само да чуете:

Некој нејебитис ѝ се пушта на девојка на Фејсбук. Таа одбира маестрална стратегија: му одговара со стихови од тупца-тупца народњак (Бунда од нерца - Тина Ивановиќ ). Тој пуштање, таа реплика од песната, на што овој дополнително се пали. Само што, песната завршува со стихот „дијамантски стави ми на руку.“ Јбг, така завршува и пуштањето.

Бидејќи ретко кој верува на истражувања, анкети и други сондажи на јавното мислење, овие Белраѓани се досетиле како сепак да го опипаат пулсот на народот. На мост закачија транспарент „Кој не свири, тој е Весиќ.“ Весиќ е онаа замлата која се навреди од Дежуловиќ кој пак фино му одговори „Освен што си глуп, не внимаваш на час.“ Чујте сами колку го сакаат.