Се пишува за ова на Балканов деновиве, за албанскиот милионер кој си изградил помпезно грда реплика на Белата куќа. Куку ноне, па овој со наш Роџер да се фатат, може чуда да направат. Сакате да ѕирнете? И да не разбирате албански (на кој се темели видео презентацијата), ќе разберете, уметноста си има универзален јазик.

Кој рече дека веќе не постои ангажирана музика? Еве една жестока анти-химна на популарните тв форми - реалните шоуа. Новиот Џони Штулиќ се вика Зока Босанац. Со тоа што, ќе видите и сами, какво време, таков Штулиќ.

Јес да се тотални клошари и шалабајзери, има тука некој шарм. Овој што го викаме Морисон е уствари Декстер, вториот е Стејси Фикс а третиот - Филип Ќировиќ.

Одлична словенечка емисија за последното претседателство на СФРЈ. Гости: Тупурко, Месиќ и Богиќ Богичевиќ. Многу интересни детали за драматичните моменти од функционирањето на тоа подржи-потегни тело на кое му се падна да ја изгаси сијалицата. Штета, да беше и оној балван Борисав Јовиќ, емисијата ќе беше уште поинтересна. Ќе гунѓаше и ќе дигаше веѓи, а Сејдо Бајрамовиќ ќе климаше со глава. Какви ликови беа тоа!

Преработка на Summertime од босанката Хана Ковачевиќ. "Знам дека сум чудна. Извинете што не гледам во камерата бидејќи го следам текстот на друг монитор. п.с. намалете тон, има врескање. п.п.с. на крајот скроз зезнав", наведува Хана во описот на клипот.
п.с Хана е самокритична.
п.п.с. Хана е премалку самокритична.

Ниедна балканска трагегија не е завршена, туку само паузирана. Таков впечаток добива човек кога ќе види колку лесно Србија и Хрватска пак влегуваат во истата песна, песна за која Босна редовно ги плаќа крвавите авторски права. Босанскиот рапер Френки има еден очајнички предлог како луѓето да не заборават низ што минаа пред четврт век. 

15 минутна видео компилација од урнебесни небулози на српски политичари. Кој лик е Дачиќ! Кој лик е Тома гробар!

Сè што немавте поим дека сакате да го дознаете за вонземјани и како они се кријат меѓу нас, презентирано од гостинка во српска утринска програма. Во која професија има најмногу вонземјани? Меѓу келнерите (ако некогаш не ви беше јасно како можат да трпат толку луѓе, посебно пијани).

Не за да ги слушаме бескрајните цифри на вмрото („толку и толку ролни тоалет хартија што не беа во програмата ама ги дадовме...“), не за да ја слушаме бескрајната немерливост на сдсмот („ќе си ја вратиме слободата, ќе си ја вратиме државата...“).