Откако ЦСКА Москва го совлада Фенербахче и ја освои титулата, Шамир Тајар кој е член на партијата за правда и развој, својата желба за Русите ја напиша на Твитер.
„Би сакал да им собориме уште еден руски авион“, напиша турскиот политичар.
Во неизвесен и драматичен натпревар во кој одлична партија имаше Перо Антиќ, ЦСКА стигна до титулата во Евролигата откако славеше во продолженијата со 101:96.
За односите меѓу Русија и Турција е познато дека се заладени откако во близина на сириско-турската граница, Турција во ноември минатата година им собори авион Су-24.
