Во полуфиналето кое рано утрово се одигра во Токио, Америка со 97:78 ја растури Австралија иако воведниот дел од мечот не најавуваше таков резултат на крајот и изгледаше дека може да има сензација.
„Кенгурите“ добро го отворија мечот и набрзинка стекнаа 8-9 поени предност а во средината на втората четвртина имаа дури и убедливи +15 поени.
SHOWTIME pic.twitter.com/Giz5kfAEXM
— Rob Perez (@WorldWideWobUSA) August 5, 2021
Американците предводени од Дурент до полувремето ја намалија негативата на само -3 а во вториот дел по една страшна серија 20-0 кога Австралија цели седум минути не даде кош, го презеде водството и не го испушти до крај.
KD said clear out 🔥 pic.twitter.com/0sO0o1A0g8
— NBA Central (@TheNBACentral) August 5, 2021
Лидер кај САД беше Кевин Дурент со 23 поени и 9 скока, а Девин Букер додаде 20 поени (4/5 за три поени). Тандемот од Милвоки Бакс, Крис Мидлтон и Џру Холидеј уфрли по 11 поени.
Кај Австралија очекувано најефикасен беше Пети Милс со 15 коша и дури 18 асистенции, Данте Ексум уфрли 14, а Џок Лендејл 11 поени.
Од 13 часот играат Словенија и Франција во второто полуфинале кое ќе го даде ривалот на САД во финалето закажано во недела.
Австралија по трет пат по ред ќе се бори за трето место и бронза на еден голем турнир. Претходно губеа на Олимпијадата во Рио 2016 и на Светското првенство во Кина 2019.
