Со победата од 2:1 над Ливерпул на стадионот Вембли, екипата на Челси го освои својот седми трофеј на финалето од 131-то издание на англискиот ФА куп, а навивачите кои во живо го проследија овој натпревар ќе бидат дел од обидот за соборување на светски рекорд.
Огромна фотографија од 360 степени и околу 25 гигапиксели беше направена за време на финалниот натпревар, а навивачите можат да се логираат на вебстраната на стадионот Вембли и да се означат на фотографијата.
Во моментов светскиот рекорд кој е запишан во Гинисовата книга на рекорди го држи фотографија од концертот Гластонбери во 2010-та година на која се тагнати 7.000 лица.
Фотографијата која веќе го сруши рекордот за најголема спортска фотографија можете да ја погледнете тука.
