На првиот човек на Наполи, Аурелио Де Лаурентис изгледа дека му беше животен сон да го доведе Рафа Бенитез на кормилото на неговиот клуб. Откако 4 годишниот циклус со Мацари заврши, тој сакаше да доведе стратег со интернационално искуство.
Желбата си ја оствари и уште пред да потпише договор и официјално да го претстави Рафа Бенитез за нов тренер, средбата со шпанскиот стратег ја овековечи со фотографија на Твитер со која се пофали дека работата е завршена.
Сега следува првата прес конференција на Бенитез која ќе се одржи во петок, а Де Лаурентис ја најави на Твитер на дури 8 различни јазици: италијански, француски, англиски, шпански, германски, руски, кинески и арапски.
„Прес конференција ќе се одржи утре во 17 часот и ќе се пренесува во живо на 5 континенти. Рафа Бенитез ќе го претставам во многу светски медиуми каде ќе зборувам за нашиот нов проект", изјави Де Лаурентис.
