Последниве десет години има брилијантно одиграни улоги (Rabbit Hole, Lion, Big Little Lies), но и покрај ова, Кидман која сега има 54, вели дека се има соочено со професионални бариери заради возраста.
Сега ја предводи актерската екипа за филмот Being the Ricardos, како ѕвездата на I Love Lucy, каде што влегуваат и Хавиер Бардем, Џ. К. Симонс, Нина Аријанда, Тони Хејл и Алиа Шокет.
„Има еден консензус во индустријата дека како женски актер, на околу 40 - готова си,“ вели Кидман за магазинот Дужур. „Не е дека сум седнала со некого, па да ми каже ‘поминат ти е рокот’. Но има моменти каде што те одбиваат и ти затвораат врата. Тоа те менува и ти влијае.“
За истово зборуваше и на Тудеј Шоу, каде што објаснува дека она со кое се соочува нејзиниот лик Лусил во Being the Ricardos ѝ помогнало да се поврзе со комичарката додека се спремала да ја игра.
„Има една сцена во филмот каде што кажуваат ’39 години имаш и толку. За тебе е завршено.’ Го знам тоа чувство. Сум го имала. И си реков, добро. Таму каде што телевизијата отвора врата за нејзе, отвора и за мене.“
