Минатиот викенд, на Епл ТВ се појави Roar. Уште кога се најави, имаше многу реакции - антологиска серија од 8 дела со Никол Кидман, Бети Гилпин, Синтија Ериво, Алисон Бри и Мира Сиал, меѓу другите. Уште повеќе се зголемија очекувањата кога се разбра дека епизодите се адаптирани по колекција од раскази со истиот наслов, чиј автор е Сесилија Ахерн (од P.S. I Love You).

Иако е една од најзначајните холивудски актерки на нашето време, Никол Кидман вели дека откако наполнила 40, има сè помалку ангажмани, заради сексистичките холивудски стандарди.

На тековниот Берлински филмски фестивал Вернер Херцог го промовираше својот филм, прв во неговата кариера кој е посветен на една - жена. „Кралицата на пустината“ поседувала неверојатна мешавина на желба за опасна авантура, научни интереси и сочувството за луѓето, а сето тоа зачинето со женски шарм и талент за задкулисни игри.