Време на подготовка:
15 мин.
Време на готвење:
25 мин.
Вкупно време:
40 мин.
Порции
4 лица
Состојки
- 500 гр. чери домати пресечени на половини
- 150 мл. маслиново масло
- 3 чешниња лук, ситно сецкан
- 2 чили пиперчиња, без семки, ситно сецкани
- 6 инчуни во масло, исецкани
- 1 зелена пиперка, ситно исецкана
- 2 лажици бело вино
- сол
- 400 гр. шпагети
- сок од 1 лимон
- 3 лажици свеж магдонос, ситно сецкан
- рендан пармезан
Подготовка
Загрејте ја рерната на 180 степени. Ставете ги пресечените домати на плех обложен со хартија за печење, зачинете ги со сол и прелијте ги со две лажици масло. Печете ги 20 минути.
Во меѓувреме сварете ги шпагетите, според упатството на ќесата, во тенџере со вода и малку сол. Потоа процедете ги од водата.
Загрејте го остатокот од маслото во длбока тава на рингла на среден оган. Пропржете го лукот, чили пиперчињата и инчуните 1-2 минути со постојано мешање. Додадете зелена пиперка, бело вино и печените чери домати. Гответе ги уште 3 минути додека да се згусне сосот. Додадете ги шпагетите на крај и промешајте ги со сосот.
Послужете ги шпагетите топли во длабоки чинии. Додадете малку сок од лимон и декорирајте со сецкан магдонос и рендан пармезан по вкус.
На здравје!
