Македонската фудбалска репрезентација вечерва како лидер во групата Ј го игра 6. квалификациско коло за СП 2026. Мундијалскиот сон е сè уште жив. Следува најтешкиот натпревар. Можеби и клучен.

Крањ е историски потсетник за стартот на македонската фудбалска репрезентација на кој се навраќаме во разни пригоди, но пет месеци подоцна, нашиот национален тим го одигра вториот меч со кој ги удри темелите дома. Пак е Чоко протагонист, ама овој пат со еврогол.

За пријателски сме цареви, ако може така да се каже бидејќи само таму имаме едвај позитивен скор од 33 победи, 32 порази и 28 нерешени, а сега ќе се потсетиме на еден врхунски хајлатс од 54 секунди кој е стар точно 22 години.