Апликацијата за стареење „Фејсап“ растури на Фејсбук, па да видиме во нашево спортско поле што имаме да споделиме на таа актуелна тема.

Жозеф Мари Минала никако да докаже дека има 17 години. Младинскиот фудбалер од редовите на Лацио и покрај тоа што ги демантираше пишувањата дека наводно не личел на годините, веќе неколку дена е предмет на тролање за неговата возраст. Некои му најдоа и брат кој го купил Лотито на 15 години.

Жозеф Мари Минала непознато име во светот на фудбалот, за брзо време се рашири низ медиумите кои го претставија како тинејџер кој сигурно има двојно повеќе години од тие што му стојат во личната карта. Но во Италија големите екипи не дебатираа околу неговата возраст, туку се тепаа кој да го купи.