„Траума“ вообичаено се смета за длабоко вознемирувачко и стресно доживување, кое може да го наруши психолошкото здравје и да влијае врз идното однесување. Како такво тоа е често користено во книги и филмови, како основа на заплетот или како негова позадина. Дали со ова трауматизираните се сведуваат на збир симптоми?

„Еден човек убива една жена и потоа се чувствува лошо“. Ова може да биде заплетот на „Злосторство и казна“, но и на бројни театарски драми или филмови. Иако може да се разликуваат во детали, постојат ограничен број приказни, кои ги вртиме откако постои човек кој има нешто да раскаже.