Пред три години дебитираше за сениорскиот тим на Бразил. На 24 март годинава го постигна првиот гол на Маракана против Чиле на квалификациски меч за Светско. 22 годишната ѕвезда на Реал Мадрид синоќа почуствува што значи да се даде гол на Мундијал. Брат му плачеше од радост.

Што ти е Бразилец, со еден потег изеде двајца. Од времето на Роналдињо во Барса нема вакви дриблинзи.

Ај што е подивен со голови и има импресивна бројка од 125 комада откако Роналдо си замина од Реал, туку и се враќа, брка, разигрува, асистира и им ги црта акциите. Хет-трик против ПСЖ, па хет-трик против Челси и на крај гол во продолженија на реваншот против европските прваци. Мали, слушај ваму сега како ќе ги елиминираме.

Со предност од +10 пред второпласираната Севиља, Реал Мадрид ита кон шампионската титула во Ла Лига. Синоќа ја совладаа Мајорка на гости со 0:3. Бензема повторно беше во елемент со два гола, а резултатот го отвори Винисиус, кој со танц им врати на навивачите кои го навредуваа по расна основа.

Пак ќе кажеме дека Европа е полна со јаки од генерацијата 2000-та. Винисиус игра веќе четврта сезона на Бернабе, каде одлично се кали. Сезонава му е најдобра на голгетерски план со 11 комада на 20 средби, ама и кога не дава голови е спектакл за гледање. Мечот со Атлетик го реши Бензема, а Бразилецот ги шина Баскијците.

Реал Мадрид се избори за голема победа со пресврт против незгодната Севиља и со тоа ја задржа предноста на лидерската позиција во Ла Лига. Голгетерското темпо со Бензема кој го постигна погодокот за израмнување, го држи заедно со него и Винисиус кој со бомба во финишот ги постави конечните 2:1.

Бразил и Аргентина одиграа без голови во квалификациското соочување за Светско, резултат кој не ги потресува бидејќи и двете селекции патуваат за Катар. Нејмар го немаше на терен, ама имаше кој да му го повтори најатрактивниот потег во кариерата. Да му се поклониме на Винисиус за потегов.

Леванте и Реал со спектакуларни 3:3 ја затворија неделната програма во Ла Лига. Барди влезе во 78-ма минута и веднаш центрираше од слободен удар по што падна гол за 3:2, но Винисиус Жуниор беше во елемент и два пати израмнуваше во вториот дел.

Со головите на Винисиус и Асенсио, Кралевите имаат убаво водство од 2:0 против Ливерпул на првата четвртфинална вечер од ЛШ. Сите во Мадрид зборуваат за топката со очи која Тони Крос му ја даде на Винисиус. Преку цел терен го најде.

Реал Мадрид игра офанзивно најслаба сезона во последните 14 години. Тоа е сèшто треба да знаеме за нападот на „кралскиот тим“ кој делува просечно.

За време на шампионскиот меч против Виљареал во минатото коло (2:1), Бразилецот Винисиус имаше бразилски слалом во стилот на Роналдињо, Роналдо и Кака.

20 дена ќе почекаме до реваншот на „Сантијаго Бернабеу“ кој треба да биде пеколен. Синоќа имаше неколку интересни моменти.

За сега има само еден гол на 10 настапи во Ла Лига, ама има потези кои ветуваат дека тие 46 милиони евра кои легнаа од Реал во Фламенго нема да бидат џабе. Му фаќа акалот уште на 18 години, погледне со какви два брзи потези ги направи мајмуни двајцава.

Винисиус Жуниор го одигра својот прв меч за Реал Мадрид на Интернационалниот Куп против Манчестер Јунајтед кој заврши 2:1 за англискиот тим. Големата бразилска надеж за која Кралевите извадија 45 милиони евра изгледа многу го гледал Нејмар. На 18 години од тебе се бара да се докажуваш, а не да паѓаш ко покосен, па дури и ако те допреле во дуелов.

Бразил е земја непресушен извор на таленти кои со топката прават чуда. Последно откритие е Винисиус Жуниор, 16-годишното момче кое пред неколку дена првпат тренирал и дебитирал со сениорска екипа. Реал не размислувал два пати и веднаш го купил.