Urban Dictionary во раната интернет ера делуваше како одличен проект - отворен речник на англискиот во кој секој може да придонесува. На неговиот 20-ти роденден ова веќе не изгледа како добра идеја. 

Urban Dictionary е сајт каде од 1999 се складирани над 7 милиони дефиниции на изрази од разговорниот јазик, генерирани од самите корисници. Често со сатирична, мрсна па и неточна содржина, тие знаат да бидат крајно симпатични. 

Ако некогаш сте налетале на Urban Dictionary, онлајн збирка на изрази од современиот глобален сленг, веројатно сте останале подзинати од сочните метафори кои како тајни кодови опишуваат однесувања кои се во најмала рака „необични". Повеќето од шестте милиони одредници се толку политички некоректни и сурови, што не се ни обидуваме да ви ги пренесеме. Но речникот, за чудо, содржи и имиња на познати писатели.