За време на Глобалната конференција на Милкен институтот на еден панел американскиот конгресмен Сет Мултон ја нафрлува идејата во случај на кинеска инвазија на Тајван САД намерно го уништат ТСМЦ (најголемиот производител на чипови на планетава), на што инстантно од кожа се извади неговата соговорничка поранешната американска заменик-министерка за одбрана Мишел Флоурној.

ТСМЦ е кратенката за Тајван семикондуктор мануфактиринг компани, најголемиот производител на чипови во Тајван и во светот. Ворен Бафет, еден од најпрофитабилните инвеститори во светот, во февруари одлучи да ги продаде своите акции во ТСМЦ сред глобална криза и рекордна побарувачка на чипови.