На денешен ден пред точно 18 години се случија незаборавните 2:2 против Англија во Саутемптон, датум на кој пред 13 загина нашата поп икона Тоше Проески. Голем навивач на македонската фудбалска репрезентација од кој останаа траги за долго сеќавање.

Бидејќи денеска требаше да наполни 39, да се потсетиме на страста со која ја отпеа македонската химна на квалификацискиот меч за ЕП 2004 меѓу Македонија и Англија. Стадионот крца, Тоше со изведбата внесува уште поголема мотивација, а во прв состав е и Пандев со само 20 години. Коментатор Зоран Михајлов. Колку легенди на едно место.

Мајами Хит славеше над Сакраменто со 108:96, а најдобар поединец на мечот беше Словенецот Горан Драгиќ со 25 поени. Не го издвојуваме поради учинокот на мечот, туку поради неговиот избор за песна на кароке, а тоа е Чија си која се слушна во „Американ Ерлајнс“ арената.