По елиминацијата од Слован Братислава во квалификациите за ЛШ, Струга Трим Лул продолжи во квалификациите од КЛ каде на првиот меч го совлада Пјуник од Ерменија со 2:1. Стефан Спировски кој одигра 55 меча за Македонија, ја опали ептен поштено и стави точка на мечот.

Македонските репрезентативци беа главни актери во решетањето на АПОЕЛ Никозија во кипарското првенство. АЕК Ларнака славеше со 3:0 а Тричко и Спировски дадоа по еден гол за втор триумф на АЕК Ларнака во шампионатот.

Стефан Спировски имаше деби настап за АЕК Ларнака како никој. На пријателски меч против Докса така јако ја опали од преку 30 метри, мислиш Роналд Куман е ова, а не Стефан наш. Неверојатно е ова голчиште, пет пати го изгледавме. Величе од таму не можеше да ја добаци.

Македонскиот репрезентативец Стефан Спировски ја начна мрежата во унгарското првенство. Ференцварош славеше 2:0 против Диосѓер, а тој го постигна вториот погодок на средбата. Спировски го напушти Вардар по двомечот со Фенербахче во плејофот од Лига Европа.