Најозборувана тема во атлетиката последните денови не се неколкуте светски рекорди, туку американската спринтерка Ша’Кари Ричардсон која беше голем фаворит за злато на 100 метри но ја суспендираа за Олимпијадата во Токио летово.

Во згуснатиот викенд на спортски настапи и стотици голови, нешто сме пропуштиле од наш човек, а не оди да го пропуштиме. Повремениот македонски репрезентативец Стефан Ашковски кој игра за Ботошани на дуелот против Стеауа се претвори во Мбапе.

На една пробна трка на 60 метри во сала во Мадрид, еден од спринтерите заборави и на финиш и на цел и на сè и падна во коридор под трибините.

Има 34 години, возраст кога фудбалерите полека стигнуваат до крајот на кариерата. Ама не и Португалецот кој за 10 секунди истрча 92 метри со брзина од 33,12 км/час.

Не ми е проблем да го поминам играчот со топка, линискиот судија, да излезам од терен и да трчам по атлетска патека, да стасам на време за топката и да ја дадам на тацна. Што е не верувате?

Атлетико Мадрид славеше 1:0 на мечот со Депортиво Ла Коруња, а најголемата заслуга за тоа што мечот можеше многу лесто да заврши реми, оди кај Лукас Фернандез кој велат дека трчал со 34 км на час. 

Теренс Пухири е за нас анонимен 21 годишен фудбалер кој игра за индонезискиот клуб Борнео. Не знаеме ништо друго за него, но силно сме убедени дека на тренинг го бркаат леопарди. 

Фудбалерите на Трапани се на 18-та позиција во Серија Б, место кое води во плејаут, а доколку викендов славеа против Фрозиноне ќе излезеа од таа опасна зона. Кога губеа 1:0 на голманот Мирко Пиљачели му дојде преку глава. Штета што не му успеа замислата, блиску беше.

Спринтерските трки во велодромски велосипедизам не се базираат само на тоа кои ќе извози побрзо. Се возат три круга, од кои во првите два има повеќе тактика, успорување и меѓусебно меркање. Борбата за второто место се до последниот спринт најмногу е заради законите на физика, аеродинамика, отпор на воздух и слично. Еве како изгледа кога двајца велосипедисти се надмудруваат кој ќе биде поспор.