По веста дека починала Јадранка Стојаковиќ денот ни тргна со нејзина музика, но како што обично бива, од видео на видео, стигнавме до севдалинки, и тоа оние отпеани од Дамир Имамовиќ, кој последните години, пред таа целосно да снеможи, одржуваше заеднички концерти со Јадранка.

Химзо Половина беше специјализиран невропсихијатар кој и на слушателите и на своите пациенти во сараевската болница за ментална рехабилитација со својот глас им ставаше мелем на душа.