Динамо Киев поради позитивни тестови во Барселона отпатува без 11 првотимци меѓу кои и двајцата први голмани - Денис Бојко и Георгиј Бушан. Во таква ситуација шанса доби еден 18-годишник на кој му се падна да дебитира во Лига на шампиони против големата Барселона.

18 годишниот Руслан Нешчерет сигурно не спиел две ноќи по ред. Првата затоа што ќе треба да брани против Барселона во ЛШ, а втората бидејќи на Меси му фати чудесија од слободен удар.

Фудбалот стварно знае да режира чудни нешта. Пред мечот со Барселона, Динамо Киев останува без 13 првотимци (9 позитивни, 3 повреди и 1 суспензија). Намерата им е што помалку да ја вадат топката од мрежа. На крај губат само со 2-1, а јунак на вечерта беше 18-годишниот Руслан Нешчерет кого принудно го прекомандувале од Б тимот и кој до пред 2 дена не ни сонувал дека ќе брани против Меси.