„Нашето наследство е чисто македонско и нашата култура е македонска“, рече во едно неодамнешно интервју Жак Груевски, кој е претседателот на Престон Лајонс, клуб формиран од македонски иселеници во 1947-ма.

И покрај тоа што оваа приказна е оддалечена 15.000 км од кај нас, во неа има македонштина всадена од порано која зрачи и ден денес. „Нашето наследство е чисто македонско и нашата култура е македонска“, вели првиот човек на клубот.

Освен ФК Вардар оваа година е јубилејна и за уште еден македонски клуб каде исто така беше тренер Андон Дончевски. Се работи за Лавовите чиј тренер се вика Лупче, а претседателот им се презива Груевски. Имаат некои хард кор моменти, ама нека им е честито.

Престон Лајонс или порано познат како Престон Македонија е најпознат и најуспешен фудбалски клуб на Македонците во Австралија. Ова е снимка од прославата во нивната соблекувална по последниот натпревар на кој ја забележаа четвртата победа во серија. Браво момци!