„Овозраснив!: стикери за пораснати“ ги зема предвид сите банални, но доволно тешки секојдневни постигнувања, кои за многумина не се лесно совладливи. Нешто како книга за самопомош, таа е всушност албум со сликички, преку кои се навикнуваш на тешката задача да бидеш одговорно возрасен, и се самонаградуваш секогаш кога ќе успееш во тоа.

Во последно време се изначитавме текстови против прокрастинацијата, навиката важните и потешки работи и одлуки да се одложуваат во недоглед. Но под мотото „има и полошо", сега е детектиран нов феномен - кога правењето нешто по секоја цена одзема повеќе време отколку правењето ништо.