Крило, не се нафрлува така, многу назад му ја даде. Е ако де. Е како ако, па како ќе ја закова со глава? Сега ќе видиш.

Ова нека биде првиот и последен обид за ножички на дефанзивецот на Манчетер Јунајтед. 600 атрактивни ножички се свртеа низ фудбалскава мапа последниве години и никој до сега не сме виделе да се удри во рака со топка. Грев.

Голот на годината во мексиканскиот фудбал оваа сезона, не ќе треба, туку ќе мора да го изберат од женска конкуренција, бидејќи нема да се најде Мексиканец кој ќе го изведе ова ремек дело.

Габриеле Гори е фудбалер на плажа, игра за тимот на Вијареџо и за италијанската репрезентација во фудбал на плажа. Голот кој го дал во 5. коло од Серија А меѓу Вијареџо и Катанија е сензација.

Се собрало едно друштво да плеша фудбал на вештачка трева. Едниве грешат додавање на средина терен, се вртат позади и кај другиве го гледаат Марко ван Бастен.

Што ножички се изнагледавме и оваа и претходната сезона. Овие се спектакуларни и тешки за изведување. Приeм на рамо и дагаууууууу. Полуде и коментатор и публика и сите што гледаат фудбал во Обединети Арапски Емирати. Коментаторот го спомна Кристијано Роналдо, а нас не потсети на еден сличен еврогол на Ривалдо. Каков ВАР, апла рамо е.

Што ножички се изнагледавме низ годиниве во еден куп лиги, на еден куп начини. Многу маестрални акробации имаше, ама само една фалеше и еве ја си дојде на мегдан. Неповторливо.

Сме виделе ножички, кои веќе со години се редовна појава во фудбалот, ама не сме виделе тројца да направат еден по друг. Пазете, првиот со ножички го погоди противникот во фаца, другиот направи асистенција со ножички, а третиот ја збрца со ножички. Ваков гол сега паѓа и веќе никогаш.

Видете вака, има ножички и ножички, а овие се толку брзи и лудачки, што на прва нема да сконтате како ја изведе акробацијава. Ви го претставуваме Џејсон Џонсон од втората дивизија во САД. Стварно не е нормален.

Пред помалку од еден месец, фудбалерот на Динамо Загреб, Бруно Петковиќ постигна прекрасен гол со ножички. Вечерва пак на ист начин ги наполни насловните страни. Динамо му гостуваше на Интер во Запрешиќ и славеше со 0:2.

Порано вакви голови даваше само Пеле, а сега кој стигне, односно кој умее, а можат многу повеќе од тоа време. Најслатно е што ја прими на гради и сам си ја намести. Тоа се тие елементи за совршени ножички кои би требало да бидат прогласени за гол на годината во Мексико. Авторот е Габриел Фунес Мори, брат близнак на Рамиро Фунес Мори кој игра за Виљареал.

Центарфорот на најголемото изненадување во Лига Европа досега сезонава и актуелен хрватски шампион Динамо, Бруно Петковиќ постигна неверојатен гол против Локомотива Загреб.

Ајнтрахт Франкфурт ја наполни Фортуна Дизелдорф со 7 парчиња од кои младиот српски напаѓач Лука Јовиќ постигна 5. Еден од нив е за најавните шпици. Лудница од гол.

Црногорците ја декласираа Литванија на гости во Лигата Ц со 1:4, а домаќините во финишот од средбата го постигнаа почесниот погодок, ако ништо друго барем за ќеиф на душата и уживање за публиката. Ножичките толку беа добри што се изначуди и еден од колегите кој му честиташе.

Иле се врати во голгетерска форма и тоа токму пред двомечот на Македонија во Лига на нации, ама место да еден, можеби требаше да биде стрелец на два гола на последниот меч против Кротоне кој сам го реши. На својата Фејсбук страна објави еврогол под кој многу фанови му пишуваат дека немало офсајд.

Џабе им е на сите кои се обидуваа да го имитираат она маестрално ремек дело на Роналдо лани против Јувентус во ЛШ. Пољакот Дамиан Лимбергер кој игра во најниските аматерски лиги во Полска ја има имитацијата број 1 на голот прогласен за најдобар во 2017-та. Стварно прејако.

Прво Кристијано во Торино го матираше Буфон со страшни ножички, а во саботата Герет Бејл даде подеднакво луд гол. Се погоди двајцата да правеле „чилена“ во 63’ минута од мечевите.

Во Серија А изгледа ништо не е готово. Наполи одигра прошло коло реми со Милан, ама сега пак Јуве направи скроз неочекуван кикс на гости против Кротоне, а Наполитанците два пати губеа и на крај го совладаа Удинезе со 4:2. Следно коло: Јувентус - Наполи. Јуве 85 бода, Наполи 81.

Прво во понеделникот направи ножички на тренинг, па после на Џанлуиџи Буфон му даде фантастичен гол исто со ножички за денес во тренинг-центарот на Реал во Валдебебас пак да ги потврди.

Фудбалерот на Орашје Антонио Видовиќ постигнал два гола во триумфот на својот тим против Чапљина (3-1) во втората лига на Босна и Херцеговина. Еден од погодоците е ала КР7.

Заборавете на ножичките на Кристијано Ронално, не се ништо посебно откако ќе видите што направи Арон Стасијак кој е дел од Полска У-19. Магија.

Јужно-американците ја викаат чилена (chilena), Италијанците ровешата (rovesciata), Бугарите задна ножица, Хрватите шкарице, кај нас ножички. Кои се автори на најубавите голови на овој начин?

Ножичките не ги измисли Роналдо, туку тие се сега ин бидејќи ги направи Роналдо. Газета дело Спорт објави извонредна компилација со Крауч, Руни, Џоркаеф, Пруцо, Ибрахимовиќ, Ван Бастен, Виали и Пеле, за да не потсети кој сè се има испружено со оваа акробација.

Македонскиот репрезентативец Иван Тричковски игра во одлична форма а доказ за тоа е вториот меч на кој дава два гола за неговиот АЕК Ларнака. Вториот гол со кој ги постави конечните 7-0 во Купот на Кипар беше ремек дело.