Во историјата на Милан секогаш имало големи тренери благодарение на кои клубот освојувал скудета, Лига на шампиони и многу други европски и светски трофеи. Но човекот кој ја почна бербата на трофеи е творецот на катеначото.

Австрискиот тренер Карл Рапан во ’30-те години од минатиот век во швајцарскиот клуб Сервет за првпат наместил тактика која подоцна Италијаните ќе ја авторизираат како catenaccio (катеначо), дефанзивен стил на игра со која Салернитана, Милан и Интер ги победувале противниците. Најпознат претставник на овој стил на игра денес е Жозе Мурињо.

Мануел Пелегрини може да освои ЛШ оваа сезона со Манчестер Сити и потоа да остане без работа или да замине во друг клуб. Не е ни прв, а веројатно ни последен. Историјата евидентирала 12 вакви примери.