Кога руската Дума го изгласа новиот Закон за мобилизација, првиот човек на Комитетот за одбрана на Думата, Андреи Картаполов, порача „овие амандмани се напишани за голема војна и за општа мобилизација, а мирисот на оваа голема војна веќе може да се почувствува.“

Дагестан е една од републиките во која имаше и улични протести против мобилизацијата, но тоа не значи дека сите се против мобилизација, некои се целосно свесни за должноста што ја имаат кон државата, ама ете ги тера баксуз периодов.

Руската влада направила грешки за време на делумната мобилизација на резервниот состав, прибирајќи и тоа што смее и тоа што не смее, изјави човекот што ја нарача мобилизацијата.

На границата меѓу двете земји има 20-километарска колона (во насока од Русија кон Грузија) каде се чека и по 40 до 50 часови, формирана во деновите откако Путин објави делумна мобилизација на руските резервисти. Башка тие што одат пешки, на точаци и слично.

Знаеш дека има некој проблем со мобилизацијата во Русија кога главната уредничка на РТ јавно ќе порача дека надлежните претерале колку се неспособни.