Најдобриот голман на Светското слободно можеше да го добие признанието и на Меси. Бранеше перфектно на сите мечеви, се фрлаше како мачка на секое можно место во шеснаесетникот, а често интервенираше и надвор од него. Статистички во еден параметар успеа да го “изеде“ лидерот на Аргентина.

М'Боли Раис синоќа правеше чуда на голот на Алжир се до стартот од продолженијата, а неговиот колега од спротивната страна трчаше насекаде на теренот за да им ги умртви контрите на Африканците. Статистиката покажува дека од 59 допири со топката, 21 му биле надвор од шеснаесетникот.

Мануел Ноер освен што е еден од најдобрите голмани во Европа, докажа дека е добар и како играч. Минатата сезона реализираше пенал на финалето од ЛШ против Челси, а викендов по кратко жонглирање успеа од 50 метри да го погоди во глава соиграчот Тони Крос.