После сите нервози, плачки и кавги со судии, Кристијано Роналдо конечно со саглам потег во Саудиска Арабија, кој може да им се служи како пример на глумците. На мечот против Персеполис од Иран во азиската ЛШ, Роналдо доби непостоечки пенал откако никој не го допре, но веднаш го корегираше судијата дека немало елементи за удар од 11 метри.

Роналдо тука има 20 години, Кафу 35, значи 15 години постар и пак почит нула. Одговорот на еден од најјаките бразилски бекови во историјата беше едноставен, со еден потег.

Со голот на Мане во 107 минута, Ал Наср го елиминираше Ал Етифак во осминафиналето од Кралскиот Куп. Роналдо како и многу пати, се нервира и влегува во клинч со навивачите кои скандираат за Меси, а во еден момент побара замена за судијата, незадоволен од црвениот картон за Талиска.

И покрај тоа што годината не е завршена и бројките може уште да растат, фудбалерите на Ал Наср го изненадија Роналдо со торта на која стои неговата голгетерска статистика за 2023-та, а тоа се 40 голови на сите натпреварувања за клуб и репрезентација. Плус 203 меча и 127 гола за Португалија.

Ал Наср како фаворит над првакот на Таџикистан, Истиклол славеше со 3:1 во ЛШ и тоа изненадувачки откако гостите поведоа во 44-та минута. Со израмнувањето на Роналдо и двата гола на Талиска, Ал Наср стигна до 3:1 во рок од 11 минути.

Со голот на Бруно Фернадеш, Португалија ја доби Словачка на гости и може да биде среќна што не остана со играч помалку. Кристијано Роналдо имаше несмасен старт над Мартин Дубравка и помина само со жолт картон.

Со головите на Талиска и Брозовиќ во судиското продолжение, Ал Наср се избори за пласман во групната фаза на азиската Лига на шампиони. Кристијано Роналдо не се запиша на листата на стрелци и повторно правеше сцени.

Пусти Кристијано сака сите голови и награди да бидат негови. Постигна два во финалето на Африканскиот Куп на шампиони против Ал Хилал и со тоа го освои првиот трофеј откако е дојден во Ал Наср, а на крајот бараше објаснување зошто не е прогласен за најдобар на мечот. Признанието отиде во рацете на Сергеј Милинковиќ Савиќ.

За Меси и Роналдо годините дефинитивно се само бројка. Едниот врза голгетерска серија на првите 5 меча во САД, а другиот стигна до првиот трофеј во Саудиска Арабија и тоа со два негови погодоци.

Кристијано Роналдо ја заврши работата од пенал и со победа од 1:0 му обезбеди на Ал Наср финале на Арапскиот Куп на шампиони. Весниците ќе беа уште побогати ако ги погодеше двете 100% шанси после прекрасните додавања на Садио Мане. Второто ептен атрактивно со пета на прва.

Ал Наср обезбеди пласман во финалето на Арапскиот Куп на шампиони, а Кристијано Роналдо беше прогласен за играч на натпреварот. Погодува на четири меча во низа.

Со ваков однос и толеранција, човеков едноставно само се брука што уште игра фудбал. Се нервира што не може да даде гол на пријателска против Ал Шабаб, мислиш игра финале на Светско против Аргентина. Прво му го поништија, после излезе нервозен каков што е често во Саудиска Арабија со 200 милиони годишно и на крај го испрска камерманот со вода и го набрка со прстот. Има ли повеќе Кристијано Роналдо некакво ниво?

Бенфика убедливо со 4:1 го совлада Ал Наср во подготвителните натпревари пред новата сезона. Очите беа вперени кон двете најголеми ѕвезди. Помладиот ветеран, Ди Марија (35), најде чаре на атрактивен начин да се ослободи од постариот кој има 38. Плус даде и гол.

Само неколку дена откако Ал Наср беше декласиран од Селта Виго со 5:0, загубија убедливо и од Бенфика со 4:1. Резултатот го отвори Анхел Ди Марија, а на Роналдо како да не му се излегуваше од игра и при негатива од 3:1, па се испазари со тренерот за дополнителни 5 минути.

Герет Бејл кој со Роналдо се радуваше на многу трофеи во Реал, вели дека Кристијано бил океј лик со кој немал никогаш проблеми, но ја потврди неговата опседнатост, а тоа се головите. И 5:0 кога ќе победеле, ги фрлал копачките од нервоза ако го нема меѓу стрелците.

Домаќините имаа негатива од 0:2 после 40 минути игра, но успеаа да се вратат со три гола од 44-та до 59 минута. Кристијано Роналдо лесно го доби дуелот против двајца и со одличен шут од работ на шеснаесетникот го реши мечот за конечни 3:2. На две кола до крај Ал Итихад останува лидер на табела со 3+ пред Ал Наср.

Кај и да е, сигурно некој ќе стокми компилација од големата фудбалска ѕвезда, која во Битола би ја крстиле „Најдоброто од Кристијано нервознио“. Нов кикс на Ал Наср, нови нервози за Роналдо кој оттурна член на стручниот штаб на гостите кој му пријде за селфи и нов дриблинг од соништата. На четири кола до крај клизнаа на -5 од лидерот Ал Итихад.

Има и зошто. Пак не даде гол, туку погоди само статива, а неговиот тим е елиминиран од ново Куп натпреварување, вкупно трето за еден месец.

Роналдо излезе на вечера со девојка му Георгина, за да го прослават нејзиниот 29-ти роденден. Сите прекинаа да јадат кога се појави. Ама тој ги изненади и ги начека спремен.

Има 2,5 годишен договор од 500 милиони евра, не знае да прифати пораз, се нервира на секој втор натпревар и рога шишиња. Кој е тој?

Колку е човеков опседнат со своите голови и самиот не е свесен. Го прегазија аутсајдерот во квалификации со 0:6, а при резултат 0:4, глумеше во шаснаесетник и тоа со веќе два постигна гола. Си доби и жолт, а головите му отидоа во втор план. Сите зборуваат за резилов.

Гол од слободен удар на Меси за Аргентина, гол од слободен удар и на Роналдо за Португалија. Првиот стигна до погодок број 800 во кариерата, вториот испиша историја со 197 репрезентативни настапи.

Одигра над 1.100 меча, постигна преку 800 гола, освои 32 трофеи и се изнервира и ја рогна топката затоа што судијата свирна фаул и му спречи контра. За ова ли му даваат 600 милиони? Во Кривогаштани не се однесуваат вака.