Пораката најмногу е посветена на демонстрантите во Хонгконг (плус, сите надвор од градот кои имаат некакви несразмерни очекувања од протестите), а и оние кои почнаа да мешетарат со правата на муслиманите во земјата, и доаѓа од највисоката позиција во Кина, претседателот Ши Џинпинг.

На видео од немирите група полицајци пакува еден демонстрант додека паралелно го обработуваат со пендреци и боксови. Она што според локалците е најстрашно е делот кога му ја покриваат устата додека овој го извикува сопственото име.

Откако Хилари Клинтон реши да ги поддржи демонстрантите во Хонгконг, еден од најголемите кинески весници како одговор реши да потсети што се случува кога Хилари поддржува демонстрации во странски држави.