Кај што е асфалтирано е и најлесно, пушташ кола и камерата врти. Проблемот се сите планински и пешачки патеки и угорници, пустини, музеи, метро станици и што сè не што Гугл сака да го има кај себе на Стрит вју, а не може да го фати со камера на кола.

Додека не стигнало кај нас да фатиме сеир на комшиите. До сега во Србија се пројдени Белград, Нови Сад и Ниш, за Македонија уште нема најави кога и каде би почнале.

За најтврдокорните фанови на некој бенд или музичар посетата на местото каде е сликана корицата на некој нивен албум е рамна на аџилак. Благодарение на Гугл сега не мора да се малтретирате по авиони за да можете да кажете дека сте биле таму.