Играат Кобрезал против Коло Коло во чилеанскиот шампионат. Едниот голман тргнува да дегажира и го начекува другиов излезен од својот шеснаесетник на прошетка. Нема да му текне друг пат.

Екипите не ви значат ништо, бидејќи во прашање е третолигашки фудбал во Норвешка. Поентата е да видите што направи јунаков во 95-та минута за израмнување.

Лео Игита е Бразилец кој 9 години брани за футсал селекцијата на Казахстан и важи за најдобар голман во светот. Според ова видео, не ќе да е добар само на гол. Погледне што и направи на Финска. Бомба.

Клубот Варзим е претпоследен во втора португалска лига. Во саботата победија 2-0 против Мафра и освоија златни бодови во борбата за опстанок. Триумф им донесе голманот Рикардо со блесав погодок од свој гол. Ова беше втор голмански гол викендов, по оној на голманот на Севиља Буно кој донесе бод кај Ваљадолид во 90+4' минута.

Во четвртата англиска лига второпласираниот Њупорт Каунти одигра 1-1 на гости кај Челтенам. Во водство ги донесе голманот Том Кинг кој во 12' минута постигна еден стварно ретко виден гол од крај до крај.

Дечково е анонимен голман од Франција, односно беше сè додека не го фати с`клет пред гол. Се вика Лорент Монд, играше во пониските лиги и еден ден се реши да се претвори во Мбапе, кој додуше тогаш не бил роден, бидејќи снимкава е од 89-та. Тројца ги издрибла и ја дувна од преку 20 метри.

Пушкаш Академија му извади 2:2 на Диошгери во меч од унгарската прва лига со помош на голманот кој најдобро се снајде во шеснаесет. Голманскиве голови не потсеќаат на Толдо кога му израмни на Јуве во судиско.

Карло Летица сезонава не бранеше многу за Хајдук. Важи за резервен голман кој запиша само неколку настапи но и покрај тоа шпанските медиуми пренесоа дека Реал Мадрид сака да го купи што поскоро.

Најголемиот јунак меѓу голманите ова коло ни доаѓа од албанското фудбалско првенство поточно од екипата на Теута која му извади 1:1 на Партизани во шестата минута од судиското продолжение. Херој на мечот е Штепим Мочка.

Ли Изи кој настапува за тимот на Кармартен Таун во првата фудалска лига во Велс, ја стартуваше 2018-та со својот прв гол во кариерата кој ќе го раскажува на внуците. Тој ја рогна до небо и потоа го чекаше исходот кој го дозна со задоцнување.

Голот на Алберто Брињоли со кој Беневенто освои прв бод во Серија А не е единствен даден од чувар на мрежата којшто ги израдувал сите навивачи.