Странски туристи од далечина што тие мислат дека е безбедна ја снимаат лавината што се случува од еден глечер што се топи на планините на Киргистан. Клучно: „далечина што тие мислат дека е безбедна“. Мртви нема, ама има двајца хоспитализирани.

Полн патнички брод (1.976 патници) сред океанската пустелија околу Аљаска одеднаш мора да почне да прави нагли маневри невообичаени за отворено море, кога во последен момент здогледуваат дека пред нив се појавилo парче мраз отцепено од глечерот Хабард. Па како не го виделе толкаво парче од подалеку? Како што истото тоа парче во вода станува речиси невидливо.

Туристи се шлаат на брегот на Исланд и зјапаат во глечери, кога еден од глечерите паѓа жртва на глобалното затоплување. Интересно, само за тој што снима.

Површината на рекордно големиот глечер што се оддели од Антарктикот некако мораше посебно да биде доловена за публиката од секоја земја. Ние пренесовме дека глечерот е со површина од една-петина од Македонија.