Втора година по ред Емилијано Мартинез се искачува на пиедесталот во Париз за да ја прими наградата од Франс Фудбал за најдобар голман во светот. И оваа година беше на тронот со Аргентина како освојувач на Копа Америка и на 5 од 6 меча не прими гол. Со Астон Вила имаше фантастична сезона. Четврто место во Премиер лига, пласман во ЛШ и финале во Конференциска лига.

Астон Вила приреди сензација на дуелот со Баерн Минхен. Го доби 1:0 и тоа со идентичен резултат како на нивното претходно соочување во ЛШ, кое датира од 1982-та кога се судриле во финале. Во 96-та минута беше драма пред голот на Англичаните во која победник излезе фантастичниот Емилиано Мартинез.

Аргентина загуби на тешкото гостување против Колумбија со 2:1 во квалификациите за СП 2026. Требаше да биде 3:1, ама будалетинката од голман, Емилиано Мартинез, во дуел еден на еден спаси чист гол со нога на идентичен начин како на незаборавното финале во Катар.

Емилиано Мартинез е задолжително парче од аргентинскиот мозаик кој како актуелен светски првак, во недела ќе ја брани титулата на Копа Америка. Ноќеска ја совладаа во полуфинале Канада со 2:0, а Мартинез си е Мартинез.

Можеби е луд, но оди смени го да те видам од голманска позиција. Пред две години ја промени цела фудбалска историја на Аргентина и еве го пак е јунак.

Ремек делото на Емилиано Мартинез во 123 минута против Франција, кое важи за антологиски момент за аргентинскиот фудбал, спас на проклетството на нивната света репрезентација и круна на кариерата на Меси, го изрежираа околу 1.000 деца на генијален начин. Изгледа совршено од птичја перспектива.

На 30 декември, Нетфликс го објави документарецот за Мундијалот во Катар, направен во шест епизоди. Мислевме дека сè сме виделе од тоа аргентинската бараба, која ги спаси своите со ненормална одбрана во 123-та минута, ама овој детал го немаше во преносот.

Емилиано Мартинез, на кој пред неколку дена Франс фудбал, на база на настапите на Мундијалот во Катар и освојувањето на светската титула, му додели награда за број 1 голман во светот, прими ептен киксерски гол од Нотингем Форест за пораз на Астон Вила од 2:0.

Веројатно единствената паметна работа која ја направи Емилиано Мартинез на првенствово, покрај бранењето пенали и зицери.

Јунакот на Аргентина кој заслужено беше прогласен за голман на Мундијалот е истовремено и недозраен лик кој во компилацијата на глупости додаде нова. За време на шампионската парада на Аргентина, на отворениот автобус се појави со бебешка кукла со ликот на Мбапе.

Емилиано Мартинез е херојот на тешкиот триумф на Аргентина кој им фати два пенали на Холанѓаните и ги испрати дома. По завршувањето на мечот непримерно и некултурно му се истури на селекторот на Холандија, без да бира зборови.