Пред 14.100 гледачи (официјално од УЕФА) на велелепниот „Драгао“ во Порто, Челси со маестрална тактика поставена од Томас Тухел, заслужено по втор пат во историјата ја освои титулата во Лига на шампиони. Првпат после 2012-та година и десантот во Минхен на Дрогба.

Пред два дена Порто му дуваше 13 свеќи на својот дом кој 4.750 дена му дава фудбалски живот полн со победи и незаборавни моменти за навивачите. Има капацитет од 52.000 седишта и e втор најтрофеен стадион во Европа од своето отворање.

Културолошката и јазична блискост, како и идентичната клима им овозможува на Јужноамериканците во Португалија да имаат совршен почеток на европската одисеја. Од друга страна, португалските гиганти ги купуваат евтино а ги продаваат многу скапо и сите задоволни.