Данската телевизија ТВ 2 објави видео со делегатот на ЕХФ, Драган Начевски кој добива непристојна понуда и ја одбива на лице место. И покрај тоа, тој е суспендиран од месец мај.

Исцрпената Хрватска од епското полуфинале против Норвешка кое го доби на продолженија, немаше сили да се носи до крај со Шпанците. Игор Карачиќ во последниот напад направи апла чекори, Славе и Ѓорги ги забележаа и донесоа исправна одлука. Балкан Хендбал ги испофали за професионалниот потег и општо цело судење.

Словенечките медиуми не можат да се помират со некои спорни судиски одлуки на нивна штета. Целата јавност од оваа земја гласно бара од своите репрезентативци денес да се појават на паркетот со Црна Гора ама да бидат статисти и така да заврши целата лакрдија. Словенечкиот портал Ekipa24.si оди до таму што во архивата ископале видео на кое Вујовиќ како тренер на Вардар се степа со судијата Ѓорѓи Начевски за време на едно дерби со Металург во Скопје. Според нив, наводно сега татко му на Ѓорѓи, Драган, којшто ги делегира судиите му враќа вака на Вујо.

Челните луѓе од ракометниот сојуз на Србија отворено ги обвинија судиите на мечот против Македонија и Драган Начевски кој ги делегирал нив.