Благодарение на вратоломната брзина на социјалните медиуми и новинарска клима што фаворизира инстант-објави пред проверени анализи, процесот на провокација, реакција од јавноста и контрареакција сега завршува во рекордно време. Отприлика исто онолку колку што траат маркетинг-кампањите.

Во 2006-та Доритос објавуваат конкурс за аматерски филмаџии да им изработат видео реклама за Супер Боул. Договорот е дека победничкото видео ќе се емитува за време на финалето, а 5 автори ќе добијат по 10.000 долари, и тоа се сите пари што може и треба да ги очекуваат од компанијата.