Често нашата јавност е склона да се исмева со бугарскиот клупски фудбал, иако тој е милји пред нашиот. Стадионите им се пристојно исполнети, имаат редовни учесници во еврокупови, квалитетни странци, а завршницата на Купот секоја година им е многу интересна.

Ако сите голмани беа како Мануел Ноер, сите ќе беа дриблери и во шеснаесетник жива душа ќе немаше. „Рогај ја бе, не ја пимплај“ е златен маалски совет кој треба да важи и за Бугаринов.

Шампионот на Бугарија Лудогорец одигра само 0-0 против Славија Софија во бугарското првенство. Во 79’ минута Бразилецот Вандерсон мислеше дека конечно го отворил резултатот и отиде да го прослави со жена му која ја бакна, без да примети дека колегите веќе се вратиле на свои места поради кренато офсајд знаменце.

На големото дерби во Бугарија, Левски изгуби дома од Лудогорец со 0-2, а стрелецот на вториот гол, Романецот Моци откако погоди од пенал застана да слави пред домашните навивачи и толку требаше. Влегоа во терен, прекин на мечот, а еден скокаше и врз тунелот кон соблекувалните.

На мечот против Берое (2:0), групата Сектор Г која ја бодри ЦСКА крена интересно корео со мотиви од легендарната игра.

Левски ја победи ЦСКА Софија со 1-0 и го искористи поразот на Лудогорец за да му се приближи на 5 бода на врвот од табелата. Дербито го реши евро-автоголот на Стивен Переира од Зеленор'тски Острови

Септември Софија против Ботев Враца. Минута петта: домашниот фудбалер Георги Стоичков ја закова во своја мрежа. На крајот 1:2 за гостите.