Стефано Корти и Алесандро Онис се комичари на кои им дошло преку глава од тетеравењето на Берлускони со продажбата на Милан на кинеските милијардери, па решиле да направат мала рапсодија. Наоѓаат Кинези кои во Милано работат како и секој просечен Кинез, ги дотеруваат во одела и во луксузни џипови ги носат до Миланело па до Сан Сиро за да се запознаат со клубот и управата. Најјак момент е кога еден од обезбедувањето им вика: “Сега ќе се јавам кај г-ѓа Барбара Берлускони и кај Галијани“.

Новиот фудбалски храм кој Милан вчера официјално го претстави во јавноста преку проектот, би требало да биде завршен за четири години. Но сега проблемот е дали ќе има место за сите?

Средниот дел од табелата во Серија А воопшто не му прилега на клуб како Милан кој е еден од најтрофејните во Италија. Но на слабите резултати им претходат внатрешни проблеми и поделби на табори, од едната страна ќерката на Берлускони, од другата потретседателот Адријано Галијани.