Васко да Гама против Гоиас во бразилското фудбалско првенство. Домаќините поведуваат 1:0 преку некогашниот најголем талент на јужно-американскиот фудбал, Колумбиецот Фреди Гуарин, а Гоиас израмнува дури во 90+7’ минута по еден смешен, бизарен автогол на Освалдо Енрикез.
Работите во чешкиот фудбал веќе пар години се многу сменети. Спарта Прага веќе не е апсолутно доминантна над градскиот ривал Славија која има сериозно богати кинески сопственици, игра Лига на шампиони (го водеа Интер на гости до 92-ра минута) и која викендов со 0-3 ја прегази Спарта на гостински терен.
Мајко мила колку е ова лошо, комично, нестварно и незамисливо. Ќе си почине од мака човеков. Па да можевме да ги собереме сите видеа од 19-ти век кога почнал да се игра фудбалот во Англија, па до сега, нема да најдеме ваков автогол.
Толку е нејасна, несмасна и глупа интервенцијата на голманот на Литванија, што ова по логично е да се запише како негов автогол. 10 пати го изгледавме видеово и не сфативме како една ваква тренинг топка успеа да си ја смести во гол.
Фасцинантно од синоќешните квалификациски натпревари е што Косово успеа на Англија да и даде три гола и тоа на гости. Поведе во 37 секунда, ама затоа до крај на прво прими пет, а во второ даде уште два за конечни 5:3. Автоголот што си го даде е како за во градинка.
По ниту една логика вака не се расчистува топка. Па да ја оставеше ќе беше 100 пати попаметно. Несреќниот ни доаѓа од Аргентина, а овој лоб не се гледа повторно. Уникатна глупост е ова.
Запознајте го Жунињо, ама полека не легендата на Лион, туку една друга легенда од Атлетико Миниеро кој има многу добар преглед на игра кај му се наоѓа голманот.
По пауза од 29 години, селекцијата на Алжир е освојувач на Африканскиот Куп на нации откако во финалето ја совлада Нигерија со 1:0. Голот за победа е како да ви кажеме. Скроз г`злачки автогол со лоб удар уште во 2 минута. Марез ја доби и оваа битката со Мане, покрај онаа за титулата во Премиер лига.
Кога човек што не следи фудбал ќе ти каже дека тоа го сфаќа како игра во која 22-ца будали трчаат по една топка, веројатно мисли на овој брилијантно завршен корнер.
Руска полу-аматерска лига. Автогол професионален. Не можеше да ја залепи во противничкиот гол, па тргна да му ја враќа на голманот, ама како му ја врати поарно да не ја враќаше.
Најсмешното, најчудното, најлошото и најнелогичното боксување се случи во Копа Либертадорес на мечот Алианца Лима од Перу против Палестино од Чиле. Топкава ја снема од стадион и потоа влезе во гол со помош на пацерската интервенција на голманот.
Емен синоќа го испапа 2:5 дома од Ајакс, ама потегот на мечот го има Никола Таљафико од Ајакс. Овде нејасно е кој е повеќе крив. Стоперот навидум фино ја врати, а голманов како да зариба во место.
Луксембург се држеше со Украина, играше машки и до 93-та минута имаше 1-1 за евентуален огромен бод во групата. Ама на крај, нивниот најдобар играч Жерсон Родригеш си заби неверојатен автогол и Украина однесе 3 важни бода.
Веројатно еден од најпацерските автоголови сезонава во Лига Европа е овој на Начо Монреал од Арсенал кој му помогна на Рен во пресвртот и победата од 3:1. Многу несреќен автогол, многу.
Во осминафинале на преку-океанската Лига на шампиони, мексиканскиот Тигрес со 5-1 го демолираше Депортиво Саприса од Коста Рика. Првиот погодок на мечот беше автогол а кривци голманот Круз и стоперот Одри Дејвид. Не се знае кој е покрив.
На пријателски меч меѓу данскиот Одензе и шведскиот Хелсинборг падна комичен автогол. На стартот на вториот дел сдесниот бек на Хелсинборг, Андерс Рандруп си даде евро-автогол.
Голема беше конкуренцијата на киксови и глупости во 2018-та, ама што го направи голманот на Асколи на гости против Палермо е врвот на сите автоголови. Овој сигурно сака што попрво да ја испрати и да ја заборави годината. Инаку Сицилијанците славеа 3:0. Трајковски беше стартер, Иле е повреден.
Женскиве кои се дел од оваа ултра смешна трагикомична сцена, веројатно не земаат плата за играње фудбал. Бидејќи нема логика. Во еден момент се збунивме и не знаевме кој напаѓа, а кој се брани. Не сте виделе вакво нешто.
Фудбалерите на Олимпик Марсеј и дефинитивно го потврдија својот дебакл во Лига Европа каде по 5 кола останаа со само еден бод. Синоќа загубија 4:0 од Ајнтрахт Франкфурт со 4:0, а еден од тие голови сами си го пикнаа. Стрелец Луиз Густаво. Трагедија.
На „Стемфорд Бриџ“ синоќа се врати една од најголемите икони во клупската историја на Челси, Френк Лампард, како тренер на Дерби Каунти. Се играше дуел од Лига Купот, „Сините“ славеа 3:2 а гостите си дадоа два комични автоголови.
Играш дерби од типот на Олимпијакос - ПАОК, инаку број 169-то во историјата во кое најзабранетата опција ти е да го загубиш, а ти го решаваш со трагедија од автогол. Епа нема полошо сценарио. Како само успеа да го направи ова Јагош Вуковиќ кој на душа ќе го носи сега цела сезона.
Дефанзивците на Гвангжу Фули кој како тренер го води Драган Стојковиќ, се изборија за доста висока позиција на листата на најкомични автоголови на сезоната. Коментаторот слатко се смееше, а Пикси извикуваше од клупа: Дали је ово могуќе?
Голманот на ЦСКА Софија, Литванецот Витаутас Черјнаускас сакаше да ја избие топката што подалеку во својот гол, но поради глупава грешка таа на крај заврши во неговиот гол. По негова среќа ЦСКА на крај победи 3:1 против Черно Море.
