Доста веќе со слободни удари и ножички, се изнагледавме и погледнете што искомбинираа момците на Аргентинос Јуниорс. И тоа сè на прва. Убавина од акција зачинета со прокласен финиш. Да ужива човек.

Го паметите ли дефанзивецот Габриел Милито кој во периодот 2007 - 2011 настапуваше за Барселона? Сега го води Аргентинос Јуниорс и направи веројатно нешто што никој претходно не го сторил, барем не во прволигашка конкуренција. Послуша постар навивач за измена, кој беше во облаци што му успеа сугестијата. Неверојатна случка.

Ова мода стана или уште се на одмор со паметот? Бележиме трето невозможно промашување за три дена и тоа повторно во фудбалска земја, во прва лига. Несреќникот се вика Николас Рениеро од Аргентиност Јуниорс, кој среќа има што тепаа 1:0, инаку него ќе го тепаа за ова.

Истражувањето на шпанскиот дневен весник Ел Паис открива дека нема ниту еден град на светот со повеќе стадиони од аргентинската метропола. Буенос Аирес има 36 стадиони со барем 10.000 седишта.

Како што најави во декември, легендарниот аргентински фудбалер Хуан Роман Рикелме се повлекува од професионалното играње фудбал.