Во текот на кариерата, Раниери имал предност на табелата (не после коло или две, туку после минимум девет) во три наврати. Болна историја имаше во Италија, каде со Рома го загуби Скудетото на три кола пред крајот после поразот од Сампдорија дома.

Алфредо Ди Стефано на Божиќ му дал 4 гола на Партизан, Барселона славела 6:2 против Копенхаген, а Франција не можела да ја победи Белгија. Најинтересното лежи во Англија каде за време на еден божиќен ден густ со магла, голманот останал да брани, а сите други си заминале од стадион.

Како што нашите телевизии со тек на годините успеаа да не куртулат од маки како гледање бокс, хокеј, скијање, европска кошарка, НБА, така кај да е ќе не спасат и од фудбал (германско го прежаливме одамна, англиско кај да е). Да не беше така, сега и ние вака ќе требаше да се нервираме за премногу фудбал на ТВ.