Ти го мислиш Паспаљ дреме на некоја плажа во Шпанија, индексира што сè поминува по песокот, стратешки позициониран на некој шанк, ама не, човекот има и попаметна работа. Паспаљ (кошаркарската легенда со сите свои светски злата, слава и пари) два месеца, сам самцат, те со косилка, те со мотика, те со ножици, го средува заедничкиот двор пред зграда, за себе и сите комшии. Става и кош, само сега нема кој да игра, или сите се старки или се многу мали. Александар Ѓорѓевиќ, Дејан Томашевиќ и српскиот кошаркарски сојуз го средуваат ова.

Единствениот натпревар на „Сите ѕвезди“ во легендарната југословенска кошарка, се одржал во сараевската сала „Скендерија" на 7 мај 1991 година. Се одржувал духот на братство и единство, но се приближувал ужасот на војната.

Приказните на српскиот кошаркар и аргентинскиот и француски фудбалер се многу инспиративни. За разлика од многу други, овие тројца никогаш не правеле трагедија од тоа што ги снашло во животот и ги оштетило за век векови. Напротив.